حروف العيون

ياوجودي وجد قشراء ذابح(ن) خوها ولدها
......تبكي الميت وتنعى الحي من كبر المصيبه
ماتوقع عاد فيه اقوى من هالموقف ولا ادها
.........ابنها مقتول والقتال خوها وش!طليبه؟
صاحو اللي حولها واقفو وخلوها وحدها
........وافزعتها غارة الدنيا ولحضتها عصيبه
قامت تهل الدموع وتلطم الخده بيدها
........وتوجد وجد من حطوا على اخوه النصيبه
مالها في الامر حيله والضعيفه وش جهدها
.......تنتخي في شايب(ن) من قل حيله شق جيبه
ياهنوف ساعة التوديع تومي لي بيدها
........بعدما حان الفراق وساعته ربي حسيبه
كل ليل آقف على اطلال المحبه من بعدها
...........وآتأمل لحضة التوديع وفراق الحبيبه
لعنبو جد الفراق يموت قلوب بجسدها
.........آآه ياظلم الزمن يفرق قريب من قريبه
ماتوقعت الليالي السود تبدي لي نكدها
........وماتوقعت الفراق اللي كوى قلبي لهيبه
دوبي ادري ان الزمن ظلام والاقدار
....ودوبي ادري ماورى مطلاع النجم الا مغيبه
كم شيدت قصور حب والفرقا تهدم عمدها
..وكم جذبنا من قلوب(ن) تاخذها الدنيا غصيبه
حبها حتى يفيض الروح في خافق سعدها
.....لاحشى ماخون حبه والمواثيق القطيبه
احبها حب الفديع لــ شالح وقلبي لحدها
.....وادري ان الحب للفارس مثيلي مايعيبه
الامل فالله يمكن حبالي حلت عقداها
.....ثم في يوم(ن) بعد مقفت به الدنيا تجيبه
ليت ((حرف العين))يقرا ابياتي ويحصي عددها
........ويعرف اني وافي في حضرته والا مغيبه
مستعد اقضي العمر كله رجاوي في وعدها
.......كل عمري فدوة عيونه وللراجي نصيبه!
وافيه بنت الحسب بنت النسب محد(ن) نقدها
.......وافيه بنت الشيوخ اللي يفكون النشيبه
بنت شيخ(ن) كل غبات المنايا قد ورده
........شيخ يفرح به بني عمه ويامن به قريبه
العجايب سبع وان كانت ثمان انتي مددها
.......اشهد انك ثامنة سبع العجايب ياعجيبه

بــقلـــــــــــــــــمي

شكرا لك وننتظر دائما كل جديد

مشكوووووووووووووووور